Գրքի հարթակ նախագծի մեկնարկից ուղիղ մեկ տարի անց մենք նախագծի փիլիսոփայությանն ու նվաճումներին նվիրված հանրային շնորհանդես կազմակերպեցինք Երևանում՝ քննարկելով նաև մեր ապագա պլանները: Խնկո Ապոր անվան ազգային մանկական գրադարանը հյուրընկալեց գրքի ոլորտի շուրջ 70 շահառուների ու լրատվամիջոցների ներկայացուցիչների: Միջոցառմանը բացման խոսքով հանդես եկավ ՀՀ մշակույթի նախարարության ժամանակակից արվեստի բաժնի պետ Սեյրանուհի Գեղամյանը, որից հետո Յանա Գենովան ներկայացրեց  Գրքի հարթակ նախագիծը: Ի հեճուկս նմանատիպ սովորական սցենարների` այս անգամ հարցերի և պատասխանների փոխարեն միջոցառման մասնակիցները հնարավորություն ստացան Հայաստանի գրքի ներկա պատկերի վերաբերյալ իրենց տեսակետը հնչեցնելու:  Այսպիսով, մի քանի շահառուներ ելույթ ունեցան բեմից, և արձագանքներ եղան նաև լսարանից: ժամանակը չափազանց կարճ էր հանգամանալի քննարկման համար, սակայն ներկաներին  պարզ դարձավ, որ ճիշտ պահն է Հայաստանի գրքի ոլորտի ապագայի մասին վերաբերյալ քննարկումներ պահը ճիշտ ժամանակին և տեղին է ընտրվել:    Նախագծի շրջանակում իրականացվելիք թարգմանության, ընթերցանության և հրատարակչական ոլորտի առաջիկա ուսումնասիրությունների մեկնարկն ու դրանց արդյունքները հիանալի հարթակ կդառնան նման բազմաքիվ քննարկումների համար:

Gallery