მკითხველთა კვლევის პრეზენტაცია/დისკუსია საქართველოს ეროვნული ბიბლიოთეკის საკონფერენციო დარბაზში 4 მარტს გაიმართა. ,,ექსპერტოს'' წარმომადგენელმა - ნათია მელიქიძემ ვრცელი და ამომწურავი პრეზენტაციის საშუალებით დეტალურად გააცნო კვლევის შედეგები დამსწრე საზოგადოებას. გიორგი კეკელიძემ შეაჯამა კვლევის ზოგადი მიგნებები და ყურადღება გაამახვილა იმ ისტორიულ ფაქტორებზე, რომლებაც ზეგავლენა მოახდინეს ამ შედეგებზე. კვლევა შეაჯამა მაშო სამადაშვილმაც და ასევე, ყურადღება გაამახვილა რამოდენიმე მნიშვნელოვან და საინტერესო მიგნებაზე. დამსწრე საზოგადოებას ჰქონდა რიგი შეკითხვები, შენიშნები და რეკომენდაციები. საბოლოოდ კი, მადლობა გადაუხადეს ,,ექსპერტოს" წარმომადგენლებს პროფესიონალურად ჩატარებული სამუშაოსათვის და ,,წიგნის გამომცემელთა და გამავრცელებელთა ასოციაციის" საყურადღებოდ აღნიშნეს, რომ კარგი იქნება თუ მსგავსი დიალოგი გაგრძელედება განათლებისა და კულტურის სამინისტროებთან ერთად და შედეგებს გაეცნობიან სამინისტროს წარმომადგენლებიც. დისკუსიის შემდეგ არა-ფორმალური დისკუსია ფურშეტის გარშემო გაგრძელდა.